Universidat di Leiden den kolaborashon ku Universidat di Kòrsou i UNICEF Hulanda a hasi un investigashon titulá: Relashonnan familiar, violensia doméstiko i maltrato di mucha den Karibe Ulandes (Bonaire, Saba, & St. Eustatius).

E investigashon a keda hasí riba enkargo di e Ministerio di Salubridat, Bienestar i Deporte di Hulanda, ku e meta pa sigui desaroyá e maneho pa loke ta trata violensia doméstiko i abuzu di mucha den Karibe Hulandes. I den e kuadro aki a duna e tarea pa por hasi un investigashon di “nul-meting” riba e posishon di e habitantenan di Karibe Hulandes pa loke ta toka uzo di violensia den edukashon den e relashonnan di famia i pareha.

E resultadonan di e proyekto a keda presentá den tres reportahe ku spesífikamente ta deskribí i analisá e resultadonan di kada un di e tres islanan  ̶ Bonaire, Saba en Sint Eustatius ̶  den Karibe Ulandes. E investigashon aki ta duna e islanan informashon balido ku nan por usa pa por mehorá nan strategianan i programanan, dirihí na prevení  violensia domestiko i abusu di mucha, i ku esei efektivamente protehá nan habitantenan, i na mesun momentu traha riba e puntonan fuerte di e komunidat.

E tim kera enkurashá Gobièrnu Ulandes pa sostené e Entidatnan Públiko, profeshonal- i komunidatnan den nan esfuersonan pa respetá, protehá i realisá e derechonan di su membrionan di komunidat konforme derechonan humano internashonal i di mucha di tal manera ku ta konektá na i ta respetá e realidat lokal, kultural i kustumbernan kompletamente.

Durante di e inbestigashon e tim a haña sosten di gruponan di interes riba kada isla i ku partnernan sosial entre otro profeshonal- i miembronan di e komunidat. E tim investigativo a konsistí di Prof. dr. Ton Liefaard (Universidat di Leiden), Prof. dr. Judi Mesman (Universidat di Leiden), Johan Kruip MSc (Unicef Hulanda), dr. Merel Griffith- Lendering (Universidat di Kòrsou), i mr. Tamara Salsbach (Universidat di Kòrsou).